標題:
21歲藏0.02克K仔,點判
發問:
我個仔, 21歲,於6月1日,被警方控告藏0.02克K仔, 初犯, 7月8日上庭, 我搵佐個律師同佢求情, 呢類CASE 通常會點判, 我非常擔心, 已經2晚訓唔安, 食唔落. 更新: 係咪亦有可能判感化？ 更新 2: 點解我唔可以回答番我自己的問題 更新 3: 最壞的判刑會係點？我真係好擔心我個仔，謝謝你 更新 4: 如果判感化，係咪一定要見父親及母親，是否只可見一個？ 更新 5: 唉!仔仔唔希望比爸爸知道今次的事, 我可唔可以同感化官求情呢 ? 我問緊一些做警察的朋友, 佢地話多數判感化. 更新 6: 我問個好多人，包括社工, 朋友, 佢地都話而家判罪錢的機會好少, 少到可以話無, 呢類 case 判感化多 . peterchan 從你咁多年的經驗所知, 係咪真係這樣呀? 更新 7: 吳浩康的案例在2004年6月發生, 已經係7年前的事, 而家個個到話要打擊 k仔, 所以我覺得我個仔的 case 邊有得同佢比, 加上佢背後, 我相信有好多有勢力的人去幫佢
最佳解答:
此文章來自奇摩知識+如有不便請留言告知
份量咁少, 初犯及認罪就只會罰錢 (大約$3000), 唔會判監. 但留案底就一定會?啦. 2011-07-01 19:06:41 補充： 1. 機會不大. 感化官嘅 cost 好貴, 藏有0.02克K仔份量極少, 判感化唔合乎經濟效益, 亦係小題大做. 2. 點解你要回答番你自己的問題呢? 2011-07-02 08:32:03 補充： 最壞嘅判刑係拋佢14日攞報告, 然後判感化. 但以藏有0.02克K仔計, 我咁多年都未見過. 2011-07-02 08:51:35 補充： 其實你使乜咁擔心? 做咗錯事, 就要承擔後果啦. 就算拋佢14日, 都唔會死人嘅. 佢要掂毒品, 你就俾佢受個教訓囉. 唔衰過, 佢點知錯呢? 我做過一單, 係個老豆報警拉個仔嘅, 藏有50克K仔, 認罪判4年, 扣埋行為良好坐32個月. 個老豆話而家俾佢知道掂毒品後果, 好過佢第日販運2kg, 要坐20年! 呢個老豆就偉大啦! 2011-07-02 08:51:47 補充： 但係可惜丫, 不論判乜都好, 佢都會有案底. 以後佢好多工作都唔做得: 律師、醫生、會計師、地產代理、銀行、股票、保安、教師、酒店、社工、紀律部隊、政府工...總知要攞牌嘅就唔做得. 移民唔使諗, 去美加英國旅行亦無可能... 唉咁後生, 嘥哂! 毒品害人, 影響一生! 2011-07-03 23:49:17 補充： 如果判感化, 感化官會做家庭背境告, 會要見哂全家, 包括父及母. 但如果父母已離婚, 則只需見擁有監護權果個. 2011-07-04 23:55:13 補充： 正常嚟講如果佢藏有0.2g k仔, 而唔係0.02g k仔, 咁就真係好大機會判感化. 但而家係講緊0.02g, 法律上係叫做trace amount, 咁都判感化, 可能我真係孤陋寡聞, 真係未見過. 可能我少見咁細量嘅毒品案啦. 吳浩康當年藏有1.2g可卡因(嚴重過藏有k仔)都係判罰款$5000... 2011-07-04 23:58:31 補充： 如果感化官嘅report唔好, 法官可以recall 你個仔改判其他刑罪. 而 "唔好" 當然包括家人唔合作. 見邊個由佢話事, 你無得選擇. 2011-07-05 00:08:35 補充： 個人意見: 個仔犯官非, 留案底咁大件事, 點可能唔俾老豆知???!! 真係唔當佢係家庭一部份啫! 就算而家唔知, 第日一家人去旅行去唔到 (好多國家有dd底都攞唔到visa), 諸如此類, 始終會知. 到時佢知你兩母子夾埋瞞住佢, 你話佢會點諗? 2011-07-05 00:09:12 補充： 你係阿媽, 點可以幫住個仔瞞個老公? 尤其是咁大件事. 我都係父親, 如果我知個仔出咁大件事而老婆瞞住我, 離婚都似... 2011-07-05 00:14:07 補充： 做人嘅嘢, 錯就要認, 打就要企定. 廿歲仔, 似番個男人去面對個老豆啦! 鬼鬼鼠鼠瞞住個老豆, 瞞得幾耐? 如果真係判感化, 12 / 18個月內感化官會家訪好多次, 次次都見唔到個老豆, 你話佢會點諗? 2011-07-05 00:15:06 補充： 唔好慈母多敗兒先得?... 2011-07-05 00:16:05 補充： 以上純屬個人意見, 得罪莫怪! 2011-07-05 23:26:52 補充： 小弟覺得會判罰款, 理由係份量太細. 但綜觀你以上所講, 你都己經認定咗會判感化, 咁我再抝落去亦無意思, 亦顯得小家啦. 有關感化官點做, 我亦答咗. 再有其他問題歡迎提出, 等各網友共同研究. P.S. 結果判乜嘢, 我都想知, 等我學吓嘢 update吓, 因為我都好耐無做court仔藏毒case. 所以希望你有結果後可以email話我知. 謝謝!
其他解答:
感化/社會服務令同罰$
留言列表
