標題:
有關綠色小巴31號路線
發問:
此文章來自奇摩知識+如有不便請留言告知
搭綠色小巴31號, 由田灣=>銅鑼灣, 請問最近菲林明道既站 應該係邊度落 和 (重點)果個位置點樣叫落車ga@@? 上左中原查,都無站,另外發現巴士資訊網和中原list出里既站都唔同,請問邊個才準? 我既目的地係 大有/大同大廈 附近 有無熟識e條路線既南區朋友可以幫幫手? 謝謝 更新: 請問係華富上既２３號係未都和３１號一樣？到左駱克道後行同一路線？ 如果是，請問邊一架車程短ｄ和班次密ｄ？ 謝謝
最佳解答:
綠Van 31號 田灣 銅鑼灣(謝菲道) 車費每位全程$8.8最近菲林明道既小巴站位(有小巴站牌响果度)係駱克道舊灣仔警署警察宿舍, 對面係駱克道市政大廈。落車前同司機講駱克道街巿有落就可以。落車後向車尾方向直行第一個街口就係菲林明道。轉左過馬路直行多一個街口就會見到大有大廈/大同大廈。補充: 駱克道並非沿途皆可上落, 因部份位置有雙黃線, 綠Van停車上落客一樣要抄牌。例如: 駱克道近灣仔MTR出入口位置。所以搭綠Van 31號去灣仔MTR站落車, 司機會停車响駱克道109-111號利臨大廈門外小巴站位落客。下一個站位就係舊灣仔警署警察宿舍。 另外於田灣區可以選擇搭城巴37A 置富中環(循環線) 車費成人每位$4.7。上車地點: 石排灣道71號田灣街前(即田灣麥當勞過少少)落車地點: 軒尼詩道230- 250號軒尼詩道官立小學巴士站(出香港仔隧道後第3個站落)落車後向車頭方向直行第一個街口菲林明道, 對面馬路就係大有大廈/大同大廈。 2011-01-08 02:17:26 補充： 綠Van 23號係華富 - 堅尼地城(厚和街)循環線, 去唔到灣仔。 一般華富居民去大有/大同附近都會搭城巴40/40M車費成人$5.3, 喺軒尼詩道 163- 177號菲林明道巴士站落車。 另外喺每日下午3時開始至半夜2時半有紅Van由華富去到灣仔大同大廈 車費每位$6.0。
其他解答:
留言列表
