懷孕39週零2日, 有少少見紅流啡, 但時有時無, 好擔心呀 ! 有無孕婦試過呢種情況呀 - 到底咩事點解會甘既

標題:

懷孕39週零2日, 有少少見紅流啡, 但時有時無, 好擔心呀 ! 有無孕婦試過呢種情況呀 ? 到底咩事點解會甘既 ?

發問:

懷孕39週零2日, 有少少見紅流啡, 但時有時無, 已經入院檢查, 醫生話未生得, 叫我返屋企休息, 再有作產徵兆先再入院, 好擔心呀 ! 有無孕婦試過呢種情況呀 ? 到底咩事點解會甘既 ?

最佳解答:

此文章來自奇摩知識+如有不便請留言告知

唔駛擔心, 我都係大概喺嗰日見紅gar!! 係因為bb就快要出世, 子宮子宮頸口擴張, 令到內口附近嘅胎膜同子宮壁分離, 毛細血管破裂而有少量血流出~!! 所以好正常, 唔駛驚~!! 人地話生女會先紅, 男仔會穿水袋, 唔知準唔準, 但係我, 我媽咪同奶奶, 的確係生女先會見紅~~ 其實個胎都有39週多d, 已經完全成熟, 所以根本唔駛擔心~!! 你個bb會喺呢兩日出世gar la~ 準備好未呀? 唔駛驚, 聽醫生嘅指出, 放鬆啲就得啦~ 祝你生個肥肥白白, 健健康康嘅bb~!! 2006-12-08 20:00:37 補充：打錯字, 係指*示, 唔係指出...係呀, 我睇醫生, 醫生都話叫我作動先入院, 結果我子宮口開左兩三度先入院, 都仲要等左好耐先生得(要開到十度), 好似係兩點入去, 一點先開始生~~(我睇完醫生之後仲走去食野, 驚冇力生 =P)

其他解答:

真係唔洗怕ka, 我都係咁, 這表示bb就快出世. 如果你見紅再加個肚有少少痛, 咁就係正式作動, 如果你是第一胎, 你可以計時, 最初係抽一抽, 大概一小時至45分鐘再抽一抽, 唔會痛好耐, 你寫低佢, 直至30分鐘抽一次至入院都未遲. 盡量利用呢段時間去洗頭沖涼, 食d野啦, 準備好晒就去醫院. 祝你生個肥肥白白既bb.